تشكيلة من السلطات بصحتكم

سلاطة بالقوق

المقادير

كيلو قوق – معدنوس مقطع رقيق -ضرس ثوم – نصف حامضة مقطعة شنانف – ملح – + صلصة مخللة

الطريقة : صلقي القوق صحيح بالماء مع الملح و الثوم و شنانف الحامض

من بعد , صفيه و خليه حتى يبرد . قسمي كل واحدة على 2 و زولي القلب المشوك بمعلقة صغيرة . سقي الكل بالصلصة و دردري عليهم المعدنوس

ممكن تزيني القلب بالزيتون الأسود و الأخضرأو بالخضر مصلوقة و مخلطة بالمايونيز……..إلخ

وبالصحة و الراحة

2-سلاطة بالشعير أو بالقمح

المقادير

نصف كيلو شعير مفسوخ أو قمح مفسوخ -ملح – صلصة مخللة ( خل – زيت – ملح – إبزار ) علبة سمك التون – صلصة المايونيز( اختيارية) – معدنوس مقطع –

التزيين . حسب الذوق إما زيتون أو بيض مصلوق أو طماطم و خس …….إلخ

الطريقة : رقدي الشعير أو القمح ليلة كاملة في الماء و الملح

طيبيه على نار مهيلة مدة 10 دقائق في الكوكوت

من بعد صفيه و غسليه بالماء البارد مع التحريك

زيدي عليه السمك و صلصة مخللة و المعدنوس و خلطيه جيدا

وضعيه في زليفات فردية و زينيه بالمايونيز و البيض مصلوق أو الزيتون …….إلخ

3-

سلاطة بالبسباس أو جذور النافع

المقادير

نصف كيلو بسباس - خيارة واحدة - رأس خس - ربطة فجل – معدنوس مقطع رقيق

الصلصة : عصير نصف حامضة – ملح – إبزار – زيت – معلقة صغيرة موتارد + معلقة من الماء

الطريقة : قطعي البسباس شنانف والخيار مكعبات و الخس قطع متوسطة , أما الفجل فقسمي كل واحدة على 4 . غسلي الخضر كلها ورقديها في الماء مدة ربع ساعة على الأقل.

من بعد , صفيها و سقيها بالصلصة و قدميها في صحون متوسطة ثم دردري عليها المعدنوس. و بالصحة و الراحة